نیوزی لینڈ کے وزیراعظم کرسٹوفر لکسن نے ساؤتھ آکلینڈ کے ایک ایونٹ میں بھرپور ڈانس کرکے سب کو حیران کر دیا۔ بھارتی گلوکارہ شبانی کیشپ کی دعوت پر وہ اسٹیج پر آئے اور اپوزیشن لیڈر کرس ہپکنز کو بھی ساتھ لے آئے۔
لکسن نے جوشیلے انداز میں مختلف ڈانس اسٹائلز دکھائے، جبکہ ہپکنز نسبتاً سادہ انداز میں جھومتے رہے۔ سوشل میڈیا پر وائرل ویڈیو میں لکسن نے لکھا، ’دو جھومتے ہوئے ڈیڈ۔‘
لکسن کی اہلیہ امانڈا کے مطابق، وہ بہترین ڈانسر ہیں اور ڈیٹنگ کے دنوں میں انہوں نے بال روم ڈانس کی تربیت بھی لی تھی۔