ایشیاء کپ 2025ء میں پاک بھارت میچز کے باعث اسپانسرشپ اور اشتہارات کی قیمتیں تاریخی بلندی پر پہنچ گئیں۔ بھارتی میڈیا کے مطابق صرف 10 سیکنڈز کا ٹی وی اشتہار 16 لاکھ بھارتی روپے کا ہو گیا ہے، جبکہ کو-پریزینٹنگ پارٹنرشپ کی قیمت 18 کروڑ اور ایسوسی ایٹ پارٹنرشپ 13 لاکھ روپے مقرر کی گئی ہے۔
ڈیجیٹل ایڈ ریٹس بھی کئی گنا بڑھ گئے ہیں، جہاں کو-پریزینٹنگ اور ہائی لائٹس پارٹنرشپ 30، 30 کروڑ میں دستیاب ہیں۔ رائٹس ہولڈرز کو ایشیاء کپ کی ریکارڈ ویور شپ کی توقع ہے۔
ٹورنامنٹ 9 ستمبر کو یو اے ای میں شروع ہوگا، پاک بھارت مقابلہ 14 ستمبر کو ہوگا، سپر فور میں 21 ستمبر کو ممکنہ ٹاکرا اور فائنل میں تیسرا میچ بھی متوقع ہے۔