مسلم لیگ ن اور پیپلز پارٹی کے درمیان حالیہ اختلافات ختم کرنے کی کوششوں میں اہم پیشرفت ہوئی ہے۔ ذرائع کے مطابق وزیر اعظم شہباز شریف اور چیئرمین بلاول بھٹو زرداری کی آج شام ملاقات متوقع ہے، جس میں ملک کی مجموعی سیاسی صورتحال اور پارٹیوں کے درمیان تعاون پر بات چیت ہوگی۔
ملاقات میں پیپلز پارٹی کے پنجاب اور وفاقی حکومت سے متعلق تحفظات پر بھی غور کیا جائے گا۔ یاد رہے کہ حالیہ دنوں میں دونوں جماعتوں نے بیان بازی روکنے پر اتفاق کیا تھا، جبکہ نواب شاہ میں آصف زرداری اور حکومتی وفد کی ملاقات کے دوران طے پایا تھا کہ آئندہ کسی بھی اہم معاملے پر بات کرنے سے قبل ایک دوسرے کا مؤقف ضرور سنا جائے گا۔