ایران نے کہا ہے کہ وہ خطے میں موجود امریکی فوجی تنصیبات کو نشانہ بنانے کا سلسلہ جاری رکھے گا۔ ایرانی حکام کے مطابق مختلف علاقوں میں فضائی دفاعی نظام فعال ہے، جبکہ کئی مقامات پر حملوں اور دھماکوں کی اطلاعات بھی سامنے آئی ہیں۔ ایران نے بحرین، کویت اور اردن میں امریکی فوجی تنصیبات پر ڈرون حملوں کا بھی دعویٰ کیا ہے۔
دوسری جانب ایرانی پاسدارانِ انقلاب نے متعدد امریکی اہداف کو نشانہ بنانے اور ایک امریکی ڈرون گرانے کا دعویٰ کیا ہے، جبکہ اردن کی فوج کا کہنا ہے کہ اس نے ایرانی حملوں کے دوران کئی میزائل فضا میں ہی تباہ کر دیے۔ ان دعوؤں کی آزاد ذرائع سے تصدیق سامنے نہیں آئی، جبکہ خطے میں کشیدگی بدستور برقرار ہے۔