سعودی فالکن کلب کی زیرِ نگرانی رواں سال بھی “انٹرنیشنل فالکن بریڈرز آکشن” کا انعقاد 5 اگست سے 25 اگست 2025 تک ریاض کے علاقے ملہم میں کیا جائے گا۔
یہ ایونٹ دنیا بھر کے شکاری پرندوں کے ماہرین اور شوقین افراد کے لیے نہ صرف بازوں کی خرید و فروخت کا اہم موقع ہوگا بلکہ جدید افزائش نسل کے طریقے سیکھنے کا پلیٹ فارم بھی ثابت ہوگا۔
گزشتہ سال کی نیلامی میں 19 ممالک سے 56 فارمز نے شرکت کی تھی اور 866 بازوں کی فروخت سے ایک کروڑ 6 لاکھ ریال سے زائد کی آمدنی ہوئی۔ سب سے مہنگا باز امریکی فارم سے 4 لاکھ ریال میں فروخت ہوا۔
یہ عالمی سطح پر بازوں کی سب سے بڑی نیلامی سمجھی جاتی ہے، جو نہ صرف سعودی عرب کی ثقافت کو اجاگر کرتی ہے بلکہ اس شعبے میں سرمایہ کاری کے نئے دروازے بھی کھولتی ہے۔