پشاور زلمی کے کپتان بابر اعظم نے کہا ہے کہ جب ٹیم اچھی کارکردگی دکھاتی ہے تو کھیلنے کا لطف بڑھ جاتا ہے۔ ان کے مطابق مختلف پوزیشن پر مختلف انداز سے کھیلنا ہوتا ہے اور کھلاڑی کو حالات کے مطابق خود کو ڈھالنا پڑتا ہے۔
ملتان سلطانز کے خلاف میچ کے بعد گفتگو کرتے ہوئے انہوں نے کہا کہ آج کل کرکٹ بہت تیز ہو گئی ہے اور ہر فارمیٹ میں جارحانہ کھیل دیکھا جا رہا ہے۔
بابر اعظم نے زلمی کے موجودہ مومینٹم کو برقرار رکھنے کی امید ظاہر کی اور نوجوان بولر سفیان مقیم کی کارکردگی کو سراہتے ہوئے ان کے روشن مستقبل کی پیشگوئی کی۔ انہوں نے مزید کہا کہ ٹرافی جیتنا قسمت سے بھی جڑا ہوتا ہے۔