سعودی وزارتِ کمیونیکیشن اینڈ انفارمیشن ٹیکنالوجی نے “مستقبلی” کے نام سے ایک نیا پروگرام شروع کیا ہے جس کے تحت 50 ہزار سعودی شہریوں کو مصنوعی ذہانت اور ڈیجیٹل ٹیکنالوجی کی تربیت دی جائے گی۔
یہ منصوبہ “اوریکل” اور “نیشنل ای لرننگ سینٹر” کے اشتراک سے “فیوچر ایکس” پلیٹ فارم پر پیش کیا جائے گا۔ پروگرام کا مقصد سعودی نوجوانوں، خصوصاً خواتین اور نئے گریجویٹس کو جدید ٹیکنالوجی کی مہارتوں سے آراستہ کرنا ہے تاکہ وہ مستقبل کی لیبر مارکیٹ میں بہتر کردار ادا کر سکیں۔
پروگرام میں 23 تربیتی کورسز شامل ہیں جو 300 گھنٹوں پر مشتمل ہوں گے، جبکہ شرکاء کو پیشہ ورانہ اسناد بھی دی جائیں گی۔ یہ اقدام وژن 2030 کے تحت ڈیجیٹل معیشت کے فروغ کی جانب اہم قدم ہے۔