سوات کے علاقے گناجیر کے قریب ایک گاڑی گہری کھائی میں گرنے کے نتیجے میں 11 افراد جاں بحق جبکہ 5 زخمی ہو گئے۔
ریسکیو حکام کے مطابق گاڑی ملم جبہ کے علاقے سیر تلیگرام سے گناجیر جا رہی تھی کہ راستے میں حادثہ پیش آ گیا۔
واقعے کے بعد مقامی افراد اور امدادی ٹیموں نے فوری کارروائی کرتے ہوئے لاشوں اور زخمیوں کو نکالا۔ زخمیوں کو علاج کے لیے سیدو شریف اسپتال منتقل کر دیا گیا ہے۔
حکام کے مطابق جاں بحق اور زخمی ہونے والوں میں خواتین اور بچے بھی شامل ہیں۔