آسٹریلیا کے وزیر داخلہ ٹونی برک نے تصدیق کی ہے کہ ایرانی ویمن فٹبال اسکواڈ کی مزید دو اراکین نے بھی آسٹریلیا میں پناہ لینے کی درخواست کی ہے۔ ان میں ایک کھلاڑی اور سپورٹ اسٹاف کی ایک رکن شامل ہیں۔
اس کے بعد آسٹریلیا میں پناہ لینے والی ایرانی خواتین فٹبالرز کی مجموعی تعداد 7 ہو گئی ہے۔ ٹونی برک کے مطابق تمام کھلاڑی آسٹریلیا میں محفوظ ہیں اور انہیں انسانیت کی بنیاد پر ویزا جاری کیے گئے ہیں۔
دوسری جانب آسٹریلوی فٹبال کلب برسبین رور نے ان کھلاڑیوں کو اپنی ٹیم میں کھیلنے کی پیشکش بھی کی ہے۔ جبکہ ایرانی ویمن فٹبال اسکواڈ کے باقی اراکین آسٹریلیا سے ملائیشیا کے راستے ایران واپس روانہ ہو گئے ہیں۔