لاہور میں جرائم کی نمایاں کمی، پولیس رپورٹ جاری

پولیس کی نئی رپورٹ کے مطابق لاہور میں رواں سال جرائم کی مجموعی صورتحال بہتر ہوئی ہے۔ 2024 اور 2025 کے ابتدائی 11 ماہ کے موازنے میں سنگین جرائم میں 52 فیصد کمی نوٹ کی گئی۔

ریسکیو 15 پر موصول ہونے والی کالز میں بھی 73 فیصد کمی دیکھنے میں آئی، جبکہ ڈکیتیوں میں 49 فیصد اور راہزنی کے واقعات میں 73 فیصد کمی رپورٹ ہوئی۔ چوری کے کیسز میں بھی 30 فیصد کمی ریکارڈ ہوئی ہے۔

ڈی آئی جی آپریشنز فیصل کامران کا کہنا ہے کہ جرائم میں کمی حکومت کے تعاون، جدید ٹیکنالوجی کے استعمال اور پولیس فورس کی مسلسل محنت کا نتیجہ ہے۔