معروف یوٹیوبر اور کنٹینٹ کری ایٹر رجب بٹ کی اہلیہ ایمان رجب نے سوشل میڈیا پر طلاق کے نوٹس کی تصاویر شیئر کرتے ہوئے خاموشی توڑ دی۔
ایمان رجب نے کہا کہ ابتدا میں انہوں نے شادی بچانے کے لیے خاموشی اختیار کی، لیکن حال ہی میں ایک پوڈکاسٹ میں رجب بٹ کی جانب سے ان پر اور ان کے خاندان پر جھوٹے الزامات عائد کیے گئے، جس کے بعد انہیں طلاق کے کاغذات بھیج دیے گئے۔
انسٹاگرام اسٹوری میں انہوں نے سوال اٹھایا کہ اس پورے معاملے میں ان کا اور ان کے بیٹے کا کیا قصور ہے۔ انہوں نے مزید کہا کہ رمضان کے مقدس مہینے کے احترام میں اس وقت فی الحال خاموش رہنے کا فیصلہ کیا ہے۔
ایمان رجب کی اس پوسٹ کے بعد سوشل میڈیا صارفین کی جانب سے متنوع ردعمل سامنے آ رہے ہیں۔