اردن کی مسلح افواج نے دعویٰ کیا ہے کہ ایران سے داغے گئے پانچ میزائل فضائی دفاعی نظام کی مدد سے ہدف تک پہنچنے سے پہلے ہی تباہ کر دیے گئے۔
میڈیا رپورٹس کے مطابق یہ میزائل ایک فوجی اڈے کی سمت داغے گئے تھے، تاہم انہیں فضا میں ہی روک لیا گیا۔ میزائلوں کا ملبہ مختلف علاقوں میں گرا، لیکن کسی جانی یا مالی نقصان کی اطلاع موصول نہیں ہوئی۔
اردنی حکام کا کہنا ہے کہ ملک اپنی فضائی حدود کے تحفظ کے لیے مکمل طور پر تیار ہے اور کسی بھی خلاف ورزی کا مؤثر جواب دیا جائے گا۔