لودھراں کے علاقے جلالپور موڑ میں گٹر کی صفائی کے دوران دو مزدور جاں بحق ہو گئے۔ حکام کے مطابق دونوں افراد مناسب حفاظتی انتظامات کے بغیر گٹر لائن میں اترے تھے، جس کے باعث یہ افسوسناک واقعہ پیش آیا۔
ڈپٹی کمشنر نے بتایا کہ واقعے کی تحقیقات جاری ہیں تاکہ ذمہ داروں کا تعین کیا جا سکے۔ ابتدائی کارروائی کے تحت متعلقہ ادارے کے اعلیٰ افسران اور نگران عملے کے خلاف مقدمہ بھی درج کر لیا گیا ہے۔