عسیر ڈیولپمنٹ اتھارٹی نے سوشل ڈیویلپمنٹ بینک کے تعاون سے مرد و خواتین دستکاروں کے لیے تربیتی پروگرام منعقد کیے تاکہ ان کی مہارتوں کو مقامی اور بین الاقوامی مارکیٹ سے جوڑا جا سکے۔
حال ہی میں دو ہفتوں پر محیط ایک پروفیشنل کورس مکمل ہوا جس میں ہنر، پروڈکٹس کی مارکیٹنگ اور پیشہ ورانہ پائیداری پر خاص توجہ دی گئی۔ اتھارٹی کے مطابق ہاتھ سے بنی مصنوعات ابہا انٹرنیشنل ایئرپورٹ پر نمائش کے لیے رکھی گئی ہیں، جس سے دستکار نہ صرف اپنے ہنر کا مظاہرہ کر رہے ہیں بلکہ سعودی ثقافت اور ورثے کو بھی اجاگر کیا جا رہا ہے۔