پاکستانی ڈرامہ سیریل ’کیس نمبر 9‘ اپنی آخری قسط کے ساتھ مکمل ہوا، جس پر مرکزی اداکارہ صبا قمر نے خواتین کے حقوق اور انصاف کے لیے ایک پراثر پیغام دیا۔
اداکارہ نے انسٹاگرام پر آخری قسط کا کلپ شیئر کرتے ہوئے مداحوں سے کہا کہ معاشرے کو خواتین کی کامیابیوں کا احترام کرنا چاہیے اور انہیں بےعزت کرنے یا جھوٹے الزامات کے ذریعے نیچا دکھانے سے گریز کرنا چاہیے۔
صبا قمر نے بتایا کہ انہوں نے دونوں کیسز جیت لیے ہیں، اور خواتین کے احترام اور سچائی کے لیے کھڑے رہنے کی اہمیت پر زور دیا۔ انہوں نے ہمدردی، انصاف اور سچائی کو اپنانے کی تلقین کی اور کہا کہ خواتین کا وقار کسی صورت سمجھوتے کے قابل نہیں۔
واضح رہے کہ نومبر میں صحافی نعیم حنیف نے ان کے بارے میں جھوٹا الزام لگایا تھا، جس پر بعد میں معذرت کی گئی تھی۔