پاکستان سپر لیگ میں حیدرآباد اور سیالکوٹ کی نئی ٹیموں کی شمولیت پر دونوں شہروں کے شہریوں نے خوشی اور جوش کا اظہار کیا ہے۔ شائقینِ کرکٹ کا کہنا ہے کہ نئی ٹیموں کے آنے سے پی ایس ایل مزید دلچسپ اور رنگا رنگ ہو جائے گی۔
حیدرآباد کے عوام کا کہنا ہے کہ اپنی ٹیم کی موجودگی باعثِ فخر ہے اور اس سے مقامی ٹیلنٹ کو آگے آنے کا موقع ملے گا۔ شہریوں کو امید ہے کہ حیدرآباد سے باصلاحیت کھلاڑی قومی سطح پر ابھریں گے۔
ادھر سیالکوٹ کے شائقین بھی نہایت پُرجوش دکھائی دیے اور کہا کہ وہ بھرپور انداز میں اپنی ٹیم کو سپورٹ کریں گے، جس سے شہر کی پہچان مزید مضبوط ہوگی۔
واضح رہے کہ پی ایس ایل کی ساتویں ٹیم 175 کروڑ روپے میں جبکہ آٹھویں ٹیم 185 کروڑ روپے میں خریدی گئی ہے، جن کے نام بالترتیب حیدرآباد اور سیالکوٹ رکھے گئے ہیں۔