اسلام آباد میں غیرملکی وفود کی آمد کے پیش نظر خصوصی ٹریفک پلان نافذ کر دیا گیا ہے، جس کے تحت مختلف شاہراہوں پر ٹریفک کے متبادل راستے مقرر کیے گئے ہیں۔
ٹریفک پولیس نے شہریوں کو ہدایت کی ہے کہ وہ جی ٹی روڈ، ٹیکسلا موٹروے، چکری چک بیلی روڈ اور روات کے راستے استعمال کریں، جبکہ فیصل ایونیو اور زیرو پوائنٹ کے اطراف ٹریفک کو متبادل راستوں پر منتقل کیا جائے گا۔
ایکسپریس وے زیرو پوائنٹ سے کورال چوک تک دونوں اطراف سے بند رہے گی، جبکہ دو روز کے لیے شہر میں ہیوی ٹریفک کے داخلے پر بھی پابندی عائد کر دی گئی ہے۔
ضلعی انتظامیہ نے صورتحال کے پیش نظر 9 اور 10 اپریل کو مقامی تعطیل کا اعلان کیا ہے، جس کے تحت اسکول اور دفاتر بند رہیں گے، تاہم ضروری خدمات معمول کے مطابق جاری رہیں گی۔