بنگلہ دیش کرکٹ ٹیم کے سابق کپتان تمیم اقبال بلا مقابلہ بنگلہ دیش کرکٹ بورڈ کے صدر منتخب ہو گئے ہیں۔ ڈھاکا میں ہونے والے انتخابات میں وہ اس عہدے کے واحد امیدوار تھے اور وہ آئندہ چار سال کے لیے بورڈ کی قیادت کریں گے۔
رپورٹس کے مطابق رواں سال اپریل میں بنگلہ دیشی حکومت نے سابق انتظامیہ کو تحلیل کر دیا تھا، جس کے بعد نئے انتخابی عمل کا آغاز ہوا۔
دوسری جانب پاکستان کرکٹ بورڈ کے چیئرمین محسن نقوی نے تمیم اقبال کو مبارکباد دیتے ہوئے ان کے لیے نیک خواہشات کا اظہار کیا ہے۔ انہوں نے کہا کہ تمیم اقبال کی قیادت میں بنگلہ دیش کرکٹ بورڈ میں کرکٹ کے فروغ کے لیے مثبت پیش رفت کی امید ہے۔