کراچی میں گرمی کی شدت بڑھنے کا امکان، پارہ 38 ڈگری تک جا سکتا ہے

محکمہ موسمیات نے کراچی سمیت سندھ کے مختلف علاقوں میں 12 جون تک گرمی کی لہر کی پیش گوئی کی ہے۔ شہر میں آج درجۂ حرارت 38 ڈگری سینٹی گریڈ تک پہنچنے کا امکان ہے جبکہ موسم گرم اور حبس زدہ رہنے کی توقع ہے۔ صبح کے وقت کم سے کم درجۂ حرارت 30 ڈگری سینٹی گریڈ ریکارڈ کیا گیا، جبکہ سمندری ہوائیں معمول کی رفتار سے چل رہی ہیں اور فضا میں نمی کا تناسب بھی زیادہ ہے۔