کراچی میں پانی چوری روکنے کیلئے الیویٹڈ لائنوں کا منصوبہ، اکتوبر سے آغاز

میئر کراچی مرتضیٰ وہاب نے بتایا کہ کورنگی، ملیر اور ضلع وسطی سمیت شہر کے ٹیل اینڈ علاقوں میں پانی کی فراہمی بہتر بنانے اور چوری روکنے کیلئے الیویٹڈ لائنیں بچھائی جائیں گی۔
10 ارب روپے کے اس منصوبے کا آغاز اکتوبر میں ہوگا۔ انہوں نے کہا کہ ماضی میں کے فور پراجیکٹ میں بے ضابطگیاں ہوئیں، تاہم واپڈا کا ہدف ہے کہ یہ منصوبہ دسمبر 2026 تک مکمل ہو۔
ان کا کہنا تھا کہ صنعتی علاقوں میں فائر اسٹیشن اور فائر ٹینڈرز موجود ہیں، لانڈھی فیکٹری کی آگ بجھانے میں بھی ٹیموں نے بروقت کردار ادا کیا۔ مرتضیٰ وہاب نے وفاق سے کراچی کیلئے مزید تعاون کی اپیل کی۔