نیویارک میں ہونے والے میٹ گالا میں بھارتی کاروباری شخصیت ایشا امبانی اپنے شاندار اور منفرد لباس کی وجہ سے توجہ کا مرکز بن گئیں۔
انہوں نے سونے کے دھاگوں اور قیمتی پتھروں سے مزین ساڑھی زیب تن کی، جسے تیار کرنے میں ہزاروں گھنٹے لگے۔ ان کا انداز روایتی ثقافت اور جدید فیشن کا امتزاج تھا۔
تقریب میں ان کا ایک منفرد انداز اس وقت بھی نمایاں ہوا جب انہوں نے عام پرس کے بجائے آرٹ کے طور پر تیار کیا گیا اسٹیل کا ایک تخلیقی نمونہ اپنے ہاتھ میں تھاما، جو ایک معروف فنکار کا فن پارہ ہے۔
ایشا امبانی نے بتایا کہ ان کے لباس اور زیورات میں خاندانی ورثے اور دستکاری کا خاص امتزاج شامل ہے، جبکہ اس ڈیزائن کو بنانے میں سینکڑوں کاریگروں کی محنت شامل رہی۔