ڈرامہ انڈسٹری کی مقبول جوڑی علی رضا اور انمول بلوچ کی شادی کی خبروں نے سوشل میڈیا پر خوب توجہ حاصل کی، لیکن اداکار علی رضا نے حالیہ انٹرویو میں واضح کیا ہے کہ انمول صرف ان کی اچھی دوست ہیں۔
ایک فیشن ویب شو میں گفتگو کرتے ہوئے علی رضا کا کہنا تھا کہ انمول کے ساتھ تعلقات دوستی تک محدود ہیں اور وہ اسے محبت یا شادی میں بدلنے کا ارادہ نہیں رکھتے۔
انہوں نے کہا کہ وہ مستقبل میں شوبز انڈسٹری سے باہر شادی کریں گے یا اندر سے، اس کا فیصلہ وقت کرے گا۔ مداحوں کی خواہشات کے برعکس، دونوں فنکار فی الحال ایک دوسرے کو صرف دوست سمجھتے ہیں۔