انگلینڈ کے سابق کپتان مائیکل ایتھرٹن نے تجویز دی ہے کہ آئی سی سی ٹورنامنٹس میں پاکستان اور بھارت کے میچز شیڈول نہیں ہونے چاہئیں۔ ان کے مطابق یہ مقابلے ماضی میں کرکٹ ڈپلومیسی سمجھے جاتے تھے لیکن اب بارڈر کشیدگی اور پروپیگنڈا کا سبب بن گئے ہیں۔
انہوں نے کہا کہ پاک بھارت میچز کا سب سے بڑا جواز مالی مفاد رہا ہے، کیونکہ ان کے باعث براڈکاسٹ رائٹس اربوں ڈالرز میں فروخت ہوتے ہیں، مگر کھیل کو صرف آمدنی کے زاویے سے دیکھنا درست نہیں۔ ایتھرٹن کے مطابق آئندہ ڈراز شفاف ہونے چاہئیں اور اگر دونوں ٹیموں کا آمنا سامنا نہ ہو تو اسے فطری عمل سمجھا جائے۔