بھارت کی ریاست اتر پردیش کے وزیرِ اعلیٰ یوگی آدتیہ ناتھ نے کہا ہے کہ اب ریاست میں سڑکوں پر نماز ادا کرنے کی اجازت نہیں ہوگی۔
ایک خطاب میں انہوں نے یہ بھی کہا کہ عبادت گاہوں سے آواز بلند کرنے پر بھی پابندیاں ہوں گی، جبکہ آسام کے حوالے سے انہوں نے غیر قانونی تارکین وطن کے خلاف سخت اقدامات کی بات کی۔
دوسری جانب ناقدین کا کہنا ہے کہ ایسے بیانات سے اقلیتوں کے حوالے سے خدشات بڑھ رہے ہیں، جبکہ مختلف حلقوں میں اس پالیسی پر بحث جاری ہے۔