سیاستدان سوشل میڈیا پر ٹک ٹاکرز سے آگے نکل گئے، مومنہ اقبال کا طنز

اداکارہ مومنہ اقبال نے سیلاب متاثرہ علاقوں میں سیاسی رہنماؤں کی ویڈیوز پر تنقید کرتے ہوئے کہا ہے کہ اب ٹک ٹاکرز اور یوٹیوبرز کو پلیٹ فارمز چھوڑ دینے چاہئیں کیونکہ سیاستدان ان سے بہتر کنٹینٹ بنا رہے ہیں۔

انسٹاگرام اسٹوری میں انہوں نے لکھا کہ سیاستدان صرف چند منٹ کے لیے اپنے حلقوں میں آتے ہیں اور پھر غائب ہو جاتے ہیں، ایسے لوگ عوام کی حفاظت کیسے کریں گے؟

مومنہ اقبال نے کہا کہ سیاستدان محلات میں رہتے ہیں، انہیں عام لوگوں کا دکھ کیا معلوم جنہوں نے محنت سے گھر بسائے اور سیلاب میں سب کچھ کھو دیا۔