انگلینڈ میں ہلکا زلزلہ، جھٹکے کئی شہروں تک محسوس کیے گئے

انگلینڈ کے علاقے لنکاشائر میں بدھ کی رات 3.3 شدت کا زلزلہ آیا، جس کے جھٹکے لندن سمیت متعدد مقامات پر محسوس کیے گئے۔ زلزلہ رات 11 بج کر 23 منٹ پر تقریباً تین کلومیٹر گہرائی میں ریکارڈ ہوا اور ساؤتھ لیکس، کینڈل، الورفسٹن اور اطراف کے تقریباً 20 کلو میٹر تک جھٹکے رپورٹ کیے گئے۔

برطانوی جیولوجیکل سوسائٹی کے مطابق ایک ہزار سے زائد افراد نے زلزلہ محسوس کرنے کی اطلاع دی۔ حکام کا کہنا ہے کہ اس درجے کے زلزلے سے نقصان کا امکان کم ہوتا ہے، تاہم شہریوں کو محتاط رہنے کی ہدایت کی گئی ہے۔

رپورٹس کے مطابق یہ 24 گھنٹوں کے اندر برطانیہ میں آنے والا دوسرا زلزلہ ہے۔