وزیراعظم شہباز شریف سعودی عرب، امریکا اور برطانیہ کے دو ہفتے طویل دورے کے بعد اسلام آباد واپس پہنچ گئے۔
اپنے دورے کے دوران انہوں نے ریاض میں سعودی عرب کے ساتھ تاریخی سیکیورٹی معاہدہ کیا اور نیویارک میں صدر ڈونلڈ ٹرمپ سے ملاقات کی، جس میں آرمی چیف جنرل سید عاصم منیر بھی شریک تھے۔
وزیراعظم نے اقوام متحدہ کی جنرل اسمبلی سے خطاب میں مسئلہ کشمیر اور فلسطین اجاگر کیا جبکہ غزہ امن معاہدے پر مسلم ممالک کے ساتھ اتفاق بھی کیا۔ دورے کے آخر میں وہ برطانیہ میں قیام کے بعد وطن واپس لوٹے۔