سندھ حکومت کی ترجمان سعدیہ جاوید کے مطابق حکومت اس بات کا جائزہ لے رہی ہے کہ کن موٹر سائیکل سواروں کو سبسڈی دی جا سکتی ہے۔ انہوں نے بتایا کہ پیٹرول کی قیمتوں میں غیر متوقع اضافے کے بعد عوام کو ریلیف دینے کے مختلف طریقوں پر کام جاری ہے۔
ان کا کہنا تھا کہ اگر لوگ پبلک ٹرانسپورٹ کا زیادہ استعمال کریں تو ایندھن کی بچت ممکن ہے، تاہم حکومت عام شہریوں، خاص طور پر دیہاڑی دار طبقے کی مشکلات کو مدنظر رکھتے ہوئے فیصلے کرنا چاہتی ہے۔
سعدیہ جاوید نے یہ بھی کہا کہ سبسڈی کی فراہمی کے لیے وفاق کو بینظیر انکم سپورٹ پروگرام کے ذریعے مدد دینے کی تجویز بھی سندھ حکومت کی جانب سے دی گئی ہے۔