سعودی عرب کے ایک قدرتی ریزرو میں تقریباً ایک صدی بعد انتہائی نایاب ایشیائی جنگلی گدھے (اونیجر/گورخر) کی پہلی پیدائش ریکارڈ کی گئی ہے، جسے ماہرین جنگلی حیات کے تحفظ کی بڑی کامیابی قرار دے رہے ہیں۔
سعودی خبر رساں ایجنسی کے مطابق یہ پیدائش شہزادہ محمد بن سلمان رائل ریزرو میں فطری حیات کی بحالی کے پروگرام کے تحت ہوئی، جس کا مقصد خطے کی مقامی و تاریخی انواع کو دوبارہ ان کے قدرتی ماحول میں بسانا ہے۔
رپورٹ کے مطابق اس نایاب نسل کی پیدائش جون 2025 میں ہوئی تھی تاہم اس کا اعلان بعد میں کیا گیا۔ ابتدائی سال کو اس نوع کی بقا کے لیے انتہائی حساس مرحلہ سمجھا جاتا ہے۔
حکام کے مطابق اس منصوبے کے تحت مختلف ممالک سے جنگلی گدھوں کی منتقلی بھی کی گئی ہے تاکہ جینیاتی تنوع کو بہتر بنایا جا سکے اور نسل کی بقا کو یقینی بنایا جا سکے۔