کراچی سے راولپنڈی جانے والی تیزگام ایکسپریس کی پاور وین میں خانیوال کے قریب اچانک آگ لگ گئی، جس کے بعد وین کو فوری طور پر ٹرین سے الگ کر دیا گیا۔
ریسکیو ٹیموں نے بروقت کارروائی کرتے ہوئے آگ پر قابو پالیا، تاہم پاور وین کو شدید نقصان پہنچا۔ واقعے کے بعد ٹرین کا سفر دوبارہ بحال کر دیا گیا اور اسے منزل کی جانب روانہ کر دیا گیا۔
ریلوے حکام نے واقعے کی وجوہات جاننے کے لیے تین رکنی تحقیقاتی کمیٹی قائم کر دی ہے، جو ایک ہفتے کے اندر اپنی رپورٹ پیش کرے گی۔