العلا کمشنری میں سیاحوں کے لیے پروگرام ’جب سایہ ہماری رہنمائی کرتا تھا‘ کا آغاز کیا گیا ہے، جس میں قدیم زمانے میں استعمال ہونے والی شمسی گھڑی ’الطنطورہ‘ کا تجربہ پیش کیا جا رہا ہے۔ ماضی میں لوگ سورج کی روشنی سے پڑنے والے سایے کے ذریعے وقت کا تعین کرتے اور اس بنیاد پر روزمرہ کے کام، نخلستانوں کی آبپاشی اور زراعت کے امور انجام دیتے تھے۔ مقامی لوک داستانیں اور عملی مظاہرے سیاحوں کو العلا کے تاریخی اور فطری مشاہداتی نظام سے روشناس کراتے ہیں۔
