برطانیہ کے وزیرِاعظم کیئر اسٹارمر نے آبنائے ہرمز کی بندش کے بعد پیدا ہونے والے عالمی توانائی بحران سے نمٹنے کے لیے 35 ممالک کا ہنگامی اجلاس بلانے کا اعلان کیا ہے۔
رپورٹس کے مطابق اجلاس میں بحری راستے کی بحالی، پھنسے ہوئے جہازوں اور عملے کی حفاظت، اور تیل و گیس کی ترسیل دوبارہ شروع کرنے کے اقدامات پر غور کیا جائے گا۔
اسٹارمر کا کہنا ہے کہ موجودہ صورتحال پیچیدہ ہے اور آبنائے ہرمز کو کھولنا آسان نہیں، اس لیے سفارتی اور سیکیورٹی سطح پر مشترکہ حکمت عملی ضروری ہے۔
واضح رہے کہ اس اہم آبی گزرگاہ کی بندش سے عالمی توانائی سپلائی متاثر ہوئی ہے، جبکہ مختلف ممالک نے بحران سے نمٹنے کے لیے اپنے ذخائر استعمال کرنے کا اعلان بھی کیا ہے۔