افغانستان اور یمن میں کنگ سلمان سینٹر کی غذائی و طبی امداد جاری

کنگ سلمان سینٹر برائے انسانی امداد یمن اور افغانستان میں اپنے امدادی منصوبے جاری رکھے ہوئے ہے، جس سے حالیہ عرصے میں 57 ہزار سے زائد افراد مستفید ہوئے۔ افغانستان کے صوبہ سمنگان میں 512 خاندانوں کو غذائی ٹوکریاں فراہم کی گئیں، جبکہ یمن کے صعدہ شہر میں 98,800 لیٹر صاف پانی اور 70,000 لیٹر استعمال کے پانی کی فراہمی کی گئی، جس سے 30,100 افراد نے فائدہ اٹھایا۔

ادھر حجہ صوبے کی حیران تحصیل میں سینٹر کے موبائل میڈیکل کلینک نے 334 مریضوں کا علاج کیا اور 335 افراد کو مفت ادویات فراہم کیں۔