یورپی کرکٹ لیگ کا منصوبہ مؤخر، انگلینڈ بورڈ کی عدم دلچسپی

یورپی ممالک کے درمیان ایشیا کپ طرز کے مجوزہ کرکٹ ٹورنامنٹ کو اس وقت دھچکا لگا جب انگلینڈ کرکٹ بورڈ نے اس منصوبے میں فوری دلچسپی ظاہر نہیں کی۔

یہ تجویز آئرلینڈ کی جانب سے پیش کی گئی تھی، جس میں 2027 سے “یورو نیشنز کپ” کے آغاز کا خیال دیا گیا تھا۔

انگلینڈ کرکٹ بورڈ کے سربراہ رچرڈ گولڈ نے کہا کہ اگرچہ آئیڈیا اچھا ہے، لیکن مصروف شیڈول کے باعث فی الحال اس پر عمل ممکن نہیں۔

انہوں نے یہ بھی واضح کیا کہ براڈکاسٹرز کی دلچسپی کے بغیر اس طرح کا ٹورنامنٹ شروع کرنا مشکل ہوگا، تاہم مستقبل میں اس پر بات چیت جاری رکھی جا سکتی ہے۔