عالمی مالیاتی فنڈ (آئی ایم ایف) نے امریکا سے کہا ہے کہ وہ تجارتی پابندیاں کم کرنے کے لیے اپنے شراکت داروں کے ساتھ تعاون کرے۔
آئی ایم ایف کے مطابق امریکا کو چاہیے کہ وہ شراکت دار ممالک کے ساتھ مل کر تجارتی رکاوٹیں کم کرنے کے اقدامات کرے تاکہ عالمی معیشت میں توازن قائم رہے۔
ادارے نے یہ بھی کہا کہ تجارتی طریقۂ کار سے متعلق خدشات دور کرنے کے لیے شراکت داروں کے ساتھ بات چیت ضروری ہے، اور قومی سلامتی کی بنیاد پر عائد ٹیرف اور برآمدی پابندیاں محدود ہونی چاہئیں۔
آئی ایم ایف نے زور دیا کہ کھلی اور منصفانہ تجارت عالمی اقتصادی ترقی کے لیے ناگزیر ہے۔