سعودی عرب کی نئی قومی فضائی کمپنی Riyadh Air نے بین الاقوامی فلائٹ آپریشن کے تیسرے مرحلے کے لیے مصر کو منتخب کیا ہے۔ ریاض کے King Khalid International Airport سے Cairo International Airport کے لیے پروازیں جلد شروع کی جائیں گی۔
ٹریول انڈیکس کے مطابق ریاض اور قاہرہ کے درمیان مسافروں کی تعداد تقریباً 2.7 ملین ہے، جو اس روٹ کی اہمیت کو ظاہر کرتی ہے۔ ریاض ایئر دنیا کے مصروف ترین بین الاقوامی ایئرپورٹس کو منتخب کر کے مسافروں کو عالمی معیار کی سہولیات اور جدید ترین ڈریم لائنر طیاروں میں اعلیٰ معیار کا سفر فراہم کر رہی ہے۔
قبل ازیں کمپنی نے لندن اور دبئی کے لیے بین الاقوامی پروازیں محدود مہمانوں اور ملازمین کے لیے شروع کی تھیں۔ ریاض ایئر کے سی ای او Tony Douglas کے مطابق قاہرہ کو تیسرے سٹیشن کے طور پر منتخب کرنا اہم قدم ہے۔ کمپنی اپنے بین الاقوامی پروازوں کے لیے بوئنگ 787-9 طیارہ استعمال کر رہی ہے، جسے ’جمیلہ‘ کا نام دیا گیا ہے۔
ریاض ایئر کو سعودی وژن 2030 کے مطابق ملک کا دوسرا فلیگ شپ کیریئر متعارف کرایا جا رہا ہے۔ توقع ہے کہ یہ اقدام مملکت کی نان آئل جی ڈی پی میں 20 ارب ڈالر سے زائد اضافہ کرے گا اور دو لاکھ سے زیادہ ملازمتیں پیدا کرے گا۔ ریاض ایئر سنہ 2030 تک دنیا کے 100 مقامات تک اپنا دائرہ وسیع کرنے کا ارادہ رکھتی ہے۔