خیبرپختونخوا حکومت نے گاڑیوں کے لیے خاص نمبر پلیٹس متعارف کرانے کا فیصلہ کیا ہے، جن پر معروف سیاسی رہنماؤں اور دیگر اہم شخصیات کے نام درج ہوں گے۔ ان نمبر پلیٹس کی نیلامی 27 جنوری کو پشاور کے نشتر ہال میں ہوگی، جس کی ابتدائی بولی 10 لاکھ روپے سے شروع کی جائے گی۔
محکمہ ایکسائز کے مطابق جو فرد سب سے زیادہ رقم ادا کرے گا، اسے اپنی پسند کی شخصیت کے نام کی نمبر پلیٹ حاصل کرنے کا موقع ملے گا۔ اس منصوبے کا مقصد نہ صرف عوامی دلچسپی کو فروغ دینا ہے بلکہ سرکاری خزانے میں اضافی آمدن بھی حاصل کرنا ہے۔
دلچسپی رکھنے والے افراد 26 جنوری 2026 تک دستک ایپ کے ذریعے درخواست دے سکتے ہیں۔